Ahlamontada 
أعترف بأن خليل=مهند يحاصرني وين ما مشيت بتطلع لي صورته وهو يضحكلي بالتركي المدبلج بالمطاعم بيوزعوا لنا اعلان عليه صورته حتى نشتري بخمسة الاف شي شغلة وننطر القرعة مشان نربح الجائزة اعلان ضخم يحتل يحتل شوارع حلب عاصمة الثقافة العربية الاسلامية والجائزة شو؟؟؟؟!!!! "شوفته" هي هيه الجائزة,إنك تتبارك بهالشخصية التاريخية العظيمة وتلتقي فيها شخصيا فيس تو فيس بس ياترى كيف بده يكون بفيس واحد وإلا بدبل فيس ,قصدي رح يكون معه مكسيم خليل عم بيدبلج الحديث على السوري الفصيح الرخيم ؟! ما في بالإعلان هيك شروحات,كيف بده يجري الحديث بين سعيد الحظ ومهند,بأي لغة,وياترى إذا أختك يا حبيبي فازت بالقرعة رح تبعتها لحالها تقابله والا بدك تبعت معها أخوك الصغير؟! أو إذا خطيبتك فازت بتبعت أمها معها ؟! أسئلة وجودية ضخمة يثيرها هذا الأعلان الفكري الضخم,لكن ماذا لوفزت انت؟! رح تروح تقابله؟! شو بدك تحكي معه شو هي القضايا اللي بدك تطرحها مع مهند,وكمان مو ذاكرين بالأعلان أنو القعدة على حسابك والا على حساب مهند,حاكم إذا على حسابك فبتكون اكلتها,لأنو قعدة مهند غالية كتير,ما غير بالرقى المحلات,لذلك برأيي أنك ما تروح لحتى تتاكد انوالقعدة على حسابه اما إذا ما بدك ترح فبنصحك تعطي الجائزة لحدا من أحبابك,ممكن مثلا تاخده لمهند وتقدمه بعلبة مرتبة مربوطة بريبانات حمراء لحبيبتك يعني هدية بتبيض الوجه فعلا,أو تقدمه لأمك بعيد الأم بس على شرط ما تقرب الهدية على أختك أما إذا فزت أنا يا شباب راح أطلب من الشركة يبدلوا مهند بنور .
مقتبس من : الكاتب لقمان ديركي
» عضو جديد
» العشق والأقدار
» مارأيكم ياأعضاء
» ماقيل عن المرأة
» الى هذه اللحظة
» ترحيب بعضو جديد
» شو مشان البنات؟؟؟
» تعارف
» اعلان
» رجل تتمناه كل النساء
» أمثال كومبيوترجية
» حقائق مذهلة عن بيل غيتس
» حكمة عن النساء
» فيروس سووووري