يالله نتساعد

كيفكم اخوتي واخواتي ان شاءالله تمام وكيف كانت امتحاناتكم
رح بلش بالموضوع مباشرة مابعرف اذا كانت الفكرة مو مستاهلة بس انا برايي انو ضرورية
متل مابتعرفوا نحن كلنا تقريبا دخلنا فجاة على جو جديد طبعا وهو الجامعة كنا مامنعرف كبف نتعامل مع الدكاترة -مع الاصحاب -مع الوقت -مع الدراسة ومع نمطها وكيف نقدر نوفق بينها وبين حياتنا الطبيعية كنا لسه عم نتعرف على الجو والطبيعة وفجاة بلشت الامتحانات علينا متل زخ المطر وصرنا نركض ما نلحق وما كان عنا وقت كافي لنقدر نتدارك اللي قصرنا فيو من الموادوبعدين زاد الضغط علينا من الدراسة ومن هم اللي قصرنا فيه وخاصة انو ماكان في عطلة نقدر نستند عليها لنلحق حالنا وما كان في مسافة بين الامتحانات لنقدر ندرس محاضرة مو دارسينها وبعد كل هالحكي واكتر يعني اللي ما قدرت اوصفه كنا ضايعين كتير وعم ندور على شي يطالعنا من خوفنا من الامتحانات والمواد والان وبعد ما عشنا هالتجربة وكانت قاسية نوعا ما علينا (طبعا حتى اللي درس من اول الجامعة الاصارت عليه شوية ضغوطات)واكيد بعد ما انتهى الامتحان حسينا انو في كتير شغلات لازم نعملها في الفصل القادم والسنوات القادمة لنتلافى التقصير والضغط اللي اتطبق علينا بهالفصل وتعلمنا كتير اشياء وقواعد نستند عليها لمتابعة مسيرتنا الجامعية وكيف بدنا ننظم المواد والمواعيد الفصل القادم وخاصة انو مو مطول يعني الاحد القادم متل ما بتعرفوا
طيب اللي بدنا نتساعد فيه الان
الان نحن في عنا بيننا وبين حالنا او مع اصدقائنا المقربين كتير من الامور والقواعد اللي بدنا نشتغل عليها في السنوات القادمة انا بتمنى منكم نتساعد وكل واحد منا يقول شو اللي استفاد من الامتحان ومن هالتجربة وشو القواعد اللي بدو يشتغل عليها بدءا من الفصل القادم من التسجيل واختيار المواد وحتى الامتحان وكمان لو نقدر كلنا نطرح الاخطاء اللي وقعنا فيها الفصل السابق بكل شي حتى باختيار المواد والساعات المخصصة لهالنقدر جميعنا نتفوق في الدراسة مع معدلات عالية ان شاء الله
يارب تروق الفكرة الكم ونبلش من الان لانو ماعنا وقت كتير الاحد القادم ان شاء الله رح نبتدي بالخطوة الاولى لدخولنا هاد الفصل

شكرا rooleen لردك الجميل وكونك اول حدا بيرد
انا لاحظت انو فعلا متل ما قلتي علامات الشفهي بتعتمد فقط على المذاكرات واذا كان الشخص مشاغب او بيشارك كتير كتير
بالنسبة للمواد اللي بدي نزلهم الفصل القادم ان شاءالله رح حاول اختار كل يوم حصة عملي مارح حطهم كلهم نفس اليوم مشان المذاكرات لانو هالفصل صار عنا باليوم مذاكرتين او تلاتة ولهيك صرنا نتلخبط ومانلحق
ورح اختار الاوقات الصباحية هي اللي فيها شغل كتير والاوقات يللي بعدالثلاثة رح حاول حطها الشي النظري اللي ما بحتاج عقلي فيه لاني اكيد بكون استويت
بدي مساعتك rooleen انت وغيرك هلا بالفصل الثاني في عنا رياضيات وفيزياء انا حابة كونكم كان عنكم هيك مواد تقولولي كيف كانت طريقة الدراسة وكيف التعامل مع الدكاترة وشو اللي صار معكم وقت الامتحان لحقتو ولا لا وشو الاسباب بالحالتين

حبيبتي ماتخافي اهم شي انك ماتراكمي المحاضرات لان محتواهم بسيط وسهل وكله بنعرفه من قبل حتى وقت تصلي للفحص شفتي المده قصيره بتساوي مراجعه بسيطه وبس بالنسبه للدكاتره عاصلن بس بظن فيزيائتكن غير عنا بس الرياضيات نفسها والدكتور نقار بيرفكت بنصحك تسجلي عنده بشهاده الكل وبدك تعرفي كيف تظبطي برنامجك وانا لاحظت ان معظم طلاب الصيدله عبيضغطو ايامن بداومه شي ٣ ايام بالاسبوع والباقي بيفرغو للدراسه بقه مابعرف انت شوفي شو بناسبك
تقبلي مروري

ليش يا سبوت لايت انت لازم تخاف اكتر الشي ما كلنا بالهوى سوى وشكرا لالك ول روولين

مساهمة رائعة بس ياريت تلقا القبول من الجميع

منتساعد بس في حال وجود الانانية يمكن صعب
والا انتي شو رايك؟

ما بعرف بس انا برايي انو التنافس بشرف كتير حلو وكمان خلينا نتعامل بطيبة قلبنا واللي عندو انانية يصطفل في مين يحاسبو وخاصة اذا بانانيتوا اذى حدا
بس نحن كلنا طلاب داخلين مرحلة جديدة محتاجين لنتساعد لهيك انا رح اعطي كل شي بقدر عليه ان شاءالله لاساعد واتساعد

على كلن الزمن والتجربة تثبت لك صحة كلامي

معلش بس رح تم انا على حالي لانو انا هيك مو كرمال حدا كرمالي انا